नेपाल कम्युनिस्ट पार्टी माओवादी केन्द्रको केन्द्रीय समिति बैठक सुरु भएको छ ।
धुम्बाराहीस्थित स्मार्ट दरबार व्याङ्क्वेटमा बैठक सुरु भएको कार्यालय सचिव डोरप्रसाद उपाध्यायले जानकारी दिए ।
बैठकको सुरुमा अध्यक्ष प्रचण्ड समसामयिक राजनीति अवस्थाबारे ब्रिफिङ गर्नेछन् ।
त्यसपछि प्रदेश अध्यक्षहरूले रिपोर्टिङ गरेपछि प्रचण्डले राजनीतिक दस्ताबेज पेश गर्ने कार्यतालिका रहेको छ ।
पुस २४ गतेसम्म सञ्चालन हुने बैठकमा पार्टीको आगामी समाजवादी कार्यदिशा, कार्यक्रम, योजना, साङ्गठनिक संरचनाबारे छलफल र बहस हुनेछ ।
